ආරක්ෂක අංශ කොළඹ ‘ගෝඨාගෝගම’ සාමකාමී විරෝධතා ස්ථානයට එල්ල කළ ප්රහාරය කිසිසේත් පිළිගත නොහැකි බව ජාත්යන්තර ක්ෂමා සංවිධානය අවධාරණය කරනවා.
පොලිසිය සහ ආරක්ෂක අංශ අද (22) අලුයම් කාලයේ දී ‘ගෝඨාගෝගම’ සාමකාමී විරෝධතාකරුවන්ට පහර දී ඇති බවටත් විරෝධතා කෙරෙන ස්ථානය වටලා විරෝධතාකරුවන් අත්අඩංගුවට ගෙන ඇති බවත් වාර්තා වන බව එම සංවිධානය පෙන්වා දෙනවා.
මෙය කිසිසේත් පිළිගත නොහැකි බව අවධාරණය කරන ජාත්යන්තර ක්ෂමා සංවිධානය, බලධාරීන් වහාම පසුබැසිය යුතු බවත් අවධාරණය කරනවා.
එපමණක් නොව විරෝධතා කිරීමට ඇති අයිතිය ආරක්ෂා කළ යුතු බව ද එම සංවිධානය පෙන්වා දෙනවා.
ශ්රී ලංකා බලධාරීන් වහාම මෙම ප්රචණ්ඩකාරී ක්රියා නවතා දැමිය යුතු බවත් අනීතික ලෙස අත්අඩංගුවට ගත් සියලු දෙනා මුදාහැරිය යුතු බවත් එම සංවිධානය පවසනවා.
එමෙන්ම බලධාරීන් මාධ්යයේ නිදහස ආරක්ෂා කළ යුතු බව අවධාරණය කරන ජාත්යන්තර ක්ෂමා සංවිධානය මාධ්යවේදීන්ට ‘ගෝඨාගෝගම’ට යෑමට ඉඩ දිය යුතු බවත් අවධාරණය කරනවා.
ජනමාධ්යවේදීන්ට ඔවුන්ගේ රාජකාරිය කිරීමට ඉඩ නොදීම මාධ්යයේ නිදහස සෘජුව උල්ලංඝනය කිරීමක් යැයි ද ජාත්යන්තර ක්ෂමා සංවිධානය අවධාරණය කරනවා.