කොවිඩ් වසංගතය හේතුවෙන් බීජිං විසින් පනවා ඇති දැඩි වීසා සීමා කිරීම්වලින් පසුව වසර දෙකකට වැඩි කාලයක් ඉන්දියාවේ කොටුවී සිටින ඉන්දියානු වෘත්තිකයන්ට සහ ඔවුන්ගේ පවුල්වලට වීසා ලබා දීමට චීනය තීරණය කර තිබේ.
එමෙන්ම චීනය ඔවුන්ගේ විද්යාල සහ විශ්ව විද්යාලවලට නැවත සම්බන්ධ වීමට කැමැත්ත පළ කර ඇති චීන විශ්ව විද්යාලවල ඉගෙනුම ලබන දහස් ගණනක් ඉන්දියානු සිසුන්ගේ ඉල්ලීම් ද සළකා බැලීමට කටයුතු කරමින් ඇති බව පැවසේ.
පසුගියදා ඉන්දියාවේ චීන තානාපති කාර්යාලය සිය කොවිඩ්-19 වීසා ප්රතිපත්තිය වසර දෙකකට වැඩි කාලයකට පසු යාවත්කාලීන කර තිබේ.
ඒ සියලු ක්ෂේත්රවල වැඩ නැවත ආරම්භ කිරීම සඳහා චීනයට යාමට අවශ්ය විදේශීය ජාතිකයින් සහ ඔවුන් සමඟ සිටින පවුලේ සාමාජිකයින්ගේ වීසා අයදුම්පත් භාර ගැනීම සඳහා ය.
එය 2020 සිට නිවෙස්වලට සිරවී සිටින සිය ගණනක් ඉන්දියානු වෘත්තිකයන්ට සහ ඔවුන්ගේ පවුල්වලට විශාල සහනයක් බව පැවසේ.
පසුගිය මාසයේ, චීනයේ වෙසෙන ඉන්දියානු වෘත්තිකයන් විශාල පිරිසක් විදේශ කටයුතු අමාත්ය එස් ජයශංකර්ගෙන් ඉල්ලා සිටියේ අතරමං වූ ඔවුන්ගේ පවුල්වලට නැවත චීනයට යාමට ඉඩ දෙන ලෙස බීජිං වෙත බලපෑම් කරන ලෙසයි.
කෙසේ වෙතත්, සංචාරක සහ පෞද්ගලික අරමුණු සඳහා වීසා බලපත්ර නිකුත් කිරීම තවදුරටත් අත්හිටුවා ඇති බව චීන තානාපති කාර්යාලය නිවේදනය කර තිබේ.