තවදුරටත් උත්සව හා සාද දැඩිලෙස තහනම් කර ඇති බවට පොලීසිය දැනුම් දෙයි.
විශේෂයෙන් සති අන්තවල එවැනි ක්රියාකාරකම් රහසිගතව සිදුවන්නේ නම් ළඟම ඇති පොලිස් ස්ථානයට හෝ 119 හදිසි දුරකථන අංකයට දැනුම් දෙන ලෙස පොලිසිය මහජනතාවගෙන් ඉල්ලා සිටියි.
නිරෝධායන නීති උල්ලංඝනය කරමින් පැවැත්වෙන මෙවැනි ක්රියාකාරකම් වළක්වා ගැනීම සඳහා විශේෂ පොලිස් කණ්ඩායම් කිහිපයක් සූදානම් බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා ප්රකාශ කළේය.
මෙම කාලය තුළ මත්පැන් විකිණීම හා බෙදා හැරීම සපුරා තහනම් බවත්, තහනමට අගෞරව කරන අය ගැන පොලිසිය සොයා බලමින් සිටින බවත් ඔහු පැවසීය.
කෙසේ වෙතත් පසුගියදා නිරෝධායන නීති කඩකරමින් රාවණා බලය සංවිධානයේ කැඳවුම්කරු මෙන්ම මධ්යම සංස්කෘතික අරමුදලේ ආගමික කටයුතු අධ්යක්ෂවරයා ලෙස කටයුතු කරන පූජ්ය ඉත්තෑකන්දේ සද්ධාතිස්ස හිමියන්ගේ මෑණියන්ගේ අවමගුල් උත්සවය පැවතියද ඒ සම්බන්දයෙන් පොලීසිය මේ වන තෙක් කිසිදු ක්රියාමාර්ගයක් නොගෙන තිබීමද විශේෂත්වයක්.