ලෝක ශුර ප්රංශය යූරෝ කුසලාන තරගාවලියෙන් ඉවතට විසිකරමින් පෙරළිකාර ජයක් ලබන්නට ස්විට්සර්ලන්තය සමත් වුණා.
තරඟයේ පළමු අර්ධය නිමාවන විට ගෝල 1-0ක් ලෙස පෙරමුණේ පසුවුයේ ස්විට්සර්ලන්තයයි.
තරඟයේ 55 වන සහ 57 වන මිනිත්තුවලදී ගෝල ද්විත්වයක් ලබා ගනිමින් Karim Benzema තරඟයේ පාලනය ප්රංශය දෙසට නතු කරගත්තා.
75 වන මිනිත්තුවේදී ක්රියාත්මක වූ Paul Pogba ලබා ගත් ගෝලයත් සමග ස්විස් ප්රේක්ෂක හදවත් මොහොතකට නතර වුණා.
බොහෝ දෙනා විශ්වාස කළේ පුරෝකතන සාර්ථක කරමින් ප්රංශය යූරෝ කුසලාන අර්ධ අවසන් පූර්ව වටයට සුදුසුකම් ලබනු ඇති බවයි.
81 වන මිනිත්තුවේදී Haris Seferović ගෝලයක් ලබා ගත්තේ ස්විස්ටර්ලන්තය සිය සටන අත්නොහැරි බව ප්රේක්ෂකයන්ට තහවුරු කරමින්.
එම උද්යෝගය අවසන් මිනිත්තු 10 තුල බිඳක් හෝ අඩු නොකළ ස්විස් ක්රීඩකයන් 90 වන මිනිත්තුවේදී තවත් ගෝලයක් ලබා ගත්තේ සමස්ත පාපන්දු ලෝකයම මවිත කරමින්.
ඒ අනුව 3-3ක් ලෙස දෙපිළම සම තත්ත්වයක සිටීම හේතුවෙන් තරඟය අතිරේක කාලය දක්වා යොමු වූ අතර එහිදී ගෝල වාර්තා කිරීමට කණ්ඩායම් දෙකටම අවස්ථාව හිමි වූයේ නැහැ.
ඒ අනුව ජයග්රහණය තීරණය කිරීමට සිදුවූයේ දඬුවම් පහර මඟින්.
පළමු දඬුවම් පහර අවස්ථාව ස්විට්සර්ලන්තයට හිමි වූ අතර ඔවුන් සිය දඬුවම් පහර 5ම සාර්ථක කරගත්තා.
දඬුවම් පහර 4ක් සාර්ථක කරගත් ලෝක ශූර ප්රංශයේ ඉරණම තීන්දු කරන පස්වන දඬුවම් පහර එල්ල කිරීමේ වගකීම සුපිරි ක්රීඩක Kylian Mbappe ට පැවරුණා.
Mbappe ගේ පා පහරින් නික්මුණු පන්දුවට තම සීමාව අතික්රමණයට ඉඩ නොදුන් ස්විස් දැල් රකින්නා ලෝක ශූර ප්රබල ප්රංශ කණ්ඩායම තරගාවලියෙන් ඉවතට විසිකරමින් අර්ධ අවසන් පූර්ව වටයේ ස්ථානයක් ස්විට්සර්ලන්තයට තහවුරු කරදුන්නා.