තලේබාන් සංවිධානය බලය අල්ලා ගැනීමෙන් සතියක කාලයක් ගතවන විට කාබුල් නගරයේ ජනජීවිතය සම්පූර්ණයෙන්ම අඩපණ වී ඇතැයි වාර්තා වේ.
විදෙස් මාධ්‍ය වාර්තා කළේ රැකියා අහිමිවීම් හේතුවෙන් ජනතාව දැඩි පීඩාවට පත්ව සිටින බවයි.
බැංකු වසා දමා තිබීම හේතුවෙන් ඒවායේ ගනුදෙනුද සම්පූර්ණයෙන්ම නැවතී ඇති බව සදහන් වේ.
මේ පසුබිම තුළ අත්‍යවශ්‍ය ආහාර ද්‍රව්‍යවල මිල ද දැඩි ලෙස ඉහළ ගොස් ඇති බව එරට වාර්තා ප්‍රකාශ කරයි.
කාබුල් වැසියන් ස්ට්‍රේට්ස් ටයිම්ස් පුවත්පතට ප්‍රකාශ කර ඇත්තේ තමන්ගේ ජන ජීවිතය සම්පූර්ණයෙන්ම අඩාල වී ඇති අතර අනාගතය දැඩි අනාරක්ෂිත වී ඇති බවයි.
