චීනයේ සෙයිජියෑන්ග් ප්‍රාන්තයේ නින්ග්බෝ හි ස්ථාපිත කර තිබූ සිය කර්මාන්ත ශාලාව ඉවත් කිරීමට ලෝක ප්‍රකට දකුණු කොරියානු නැව් සමාගමක් වන සැම්සුන්ග් හෙඩි ඉන්ඩස්ට්‍රීස් සමාගම තීරණය කර තිබේ.
විදෙස් මාධ්‍ය වාර්තා කළේ වාර්ෂිකව නැව් සදහා අවශ්‍ය කොටස් ටොන් ලක්ෂ දෙකක් පමණ නිෂ්පාදනය කළ මෙම කර්මාන්ත ශාලාව වසා දමා එහි සේවකයන්ට වන්දි ලබාදී කටයුතු අවසන් කිරීමට සැම්සුන්ග් හෙවි ඉන්ඩස්ට්‍රීස් සමාගම තීරණය කර ඇති බවයි.
ඇමරිකාව සහ වෙනත් බටහිර රටවල් විසින් පනවා ඇති ආර්ථික සම්බාධක හේතුවෙන් චීනයේ ඇති කර්මාන්ත ශාලා ඉවත් කර ගැනීමට බොහෝ විදේශ ආයෝජකයෝ පියවර ගනිමින් සිටිති.
ඒ චීනයේ නිෂ්පාදනය කරන ලදී යන ලේබලය යටතේ සිදුකරන නිෂ්පාදනයන් සදහා ඉදිරියේදී ලෝක වෙළෙදපල තුළ දැඩි ආර්ථික සම්බාධකවලට මුහුණදීමට සිදුවනු ඇති බවට එම නිෂ්පාදකයන් විසින් හදුනාගෙන තිබීමයි.
