බ්‍රහස්පති වෙත දියත් කිරීමට නියමිත සිය මීළඟ මෙහෙයුමේදී පෘථිවියේ වෙසෙන ඕනෑම අයෙකුගේ නම් කිලෝමීටර් බිලියන ගණනක් දුර අභ්‍යවකාශයට රැගෙන යාමට අවස්ථාව ඇති බව නාසා ආයතනය නිවේදනය කරනවා.
පෘථිවියෙන් එහා ජීවය සොයා යනා ගමනේ නාසා ආයතනයේ මීළඟ නැවතුම වන්නේ බ්‍රහස්පතිගේ උපග්‍රහයෙක් වන යුරෝපා යි.
යුරෝපා උපග්‍රහයා තවදුරටත් ළඟින් නිරීක්ෂණය කිරීම සඳහා නාසා ආයතනය විසින් Europa Clipper නමැති චන්ද්‍රිකාවක් යැවීමට මේ වනවිට කටයුතු සූදානම් කර තිබෙනවා.
අයිස් ස්ථරයකින් වැසුණු මුහුදකින් සමන්විත වෙන යුරෝපා ග්‍රහයාගේ අයිස් කබොල්ලට ඔබ්බෙන් ජීවයේ පැවැත්ම සඳහා උපකාරී වන සාගර තත්වයන් පවතීද යන්න නිරීක්ෂණය කිරීම මෙම චන්ද්‍රිකාව යැවීමෙහි අරමුණ බවයි වාර්තා වෙන්නේ.
මෙම චන්ද්‍රිකාව තුළ මිනිසුන්ගේ නම් සටහන් කිරීමට හැකි චිපයක් අන්තර්ගත කිරීමට නාසා ආයතනය සැලසුම් කර ඇති අතර ඒ සඳහා ඔබේ නමත් යොමු කිරීමට අවස්ථාව තිබෙනවා.
පහත සබැඳිය තුළට පිවිසීමෙන් ඔබේ නමත් කිලෝමීටර් බිලියන ගණනක් දුර අභ්‍යවකාශයට යොමු කළ හැකි වෙනවා.
https://europa.nasa.gov/message-in-a-bottle/sign-on/
