ශ්‍රී ලංකා ක්‍රිකට් උප නායක කුසල් මෙන්ඩිස්, කඩුලු රකින නිරෝෂන් දික්වැල්ල සහ පිතිකරු දනුෂ්ක ගුණතිලක වහාම ක්‍රියාත්මක වන පරිදි එංගලන්ත සංචාරයෙන් ඉවත් කර ශ්‍රී ලංකාවට පිටත් කර හරින බව ශ්‍රී ලංකා ක්‍රිකට් ආයතනය දැනුම් දෙනවා.
මෙම තීරණය ගනු ලැබුවේ සමාජ මාධ්‍යවල පළ කරන ලද වීඩියෝවක් පිළිබඳව කරන ලද මූලික පරීක්ෂණයකින් පසුව, මේ සම්බන්ධයෙන් ‘කළමනාකරුගේ වාර්තාව’ පදනම් කරගෙන බවයි ඔවුන් පවසන්නේ. අදාල ක්‍රීඩකයින් තිදෙනා ඔවුන්ගේ හෝටලයෙන් පිටත, ආරක්ෂිත ජෛව බුබුල උල්ලංගණය කරමින් සිටිනු එම වීඩියෝවන් දැක ගත හැකි විය.
එමෙන්ම, පරීක්ෂණය අවසන් වන තෙක් ක්රීඩකයන් තිදෙනාගේ සියළු තරඟ අත්හිටුවීමටද තීරණය වී ඇත.
