ඉන්දියාවේ දී පැවැත්වෙන එක්දින ලෝක කුසලාන ක්‍රිකට් තරගාවලියේ මූලික වටය යටතේ ශ්‍රී ලංකාව සහභාගි වන සිව වැනි තරගය අද (21) නෙදර්ලන්තය සමඟ පැවැත්වීමට නියමිතයි.
තරගය අද උදෑසන 10.30ට ආරම්භ වනවා.
ශ්‍රී ලංකාව මෙවර ලෝක කුසලානයේ මේ දක්වා සහභාගි වූ තරග තුනේ දී දකුණු අප්‍රිකාව, පාකිස්තානය සහ ඔස්ට්‍රේලියාව හමුවේ පරාජයට පත්වුණා.
නෙදර්ලන්තය මේ දක්වා සහභාගි වූ තරග 03න් දෙකක් පරාජයට පත්වූ අතර, ඔවුන් දකුණු අප්‍රිකාවට එරෙහිව ජයග්‍රාහණයක් වාර්තා කළා.
ශ්‍රි ලංකාව සහ නෙදර්ලන්තය එක්දින ලෝක කුසලානයක දී එකිනෙකා හමු වන පළමු අවස්ථාව මෙය වනවා.
එමෙන්ම ඊයේ(20) පැවති අවසන් පුහුණු සැසිය අනිවාර්ය පුහුණු සැසියක් නොවූ අතර, ඒ සඳහා ක්‍රීඩකයන් කිහිප දෙනෙක් පමණක් එක්ව සිටියා.
එම ක්‍රීඩකයන් කිහිප දෙනා අතර ආබාධයකට ලක් ව සිටි ශ්‍රී ලංකා නිත්‍ය එක්දින නායක දසුන් ශානක ද සිටීම විශේෂත්වයක්.
