ලෝක කුසලාන තරගාවලියේ ශ්‍රී ලංකාව පළමු ජය ලබයි

2023 එක්දින ලෝක කුසලාන තරගාවලියේ ශ්‍රී ලංකා – නෙදර්ලන්ත තරගය අද (21) පෙරවරු 10.30ට ඉන්දියාවේ ලක්නව්හිදී ආරම්භ වුණා.

කාසියේ වාසිය දිනාගත් නෙදර්ලන්ත කණ්ඩායම පළමුව පන්දුවට පහරදීමට තීරණය කළ අතර, එහිදී පන්දුවාර 49යි පන්දු 04ක් අවසානයේ කඩුලු සියල්ල දැවී ලකුණු 262ක් ලබා ගැනීමට සමත් වුණා.

Sybrand Engelbrecht ලකුණු 70ක්ද, Logan van Beek ලකුණු 59ක්ද, Colin Ackermann ලකුණු 29ක්ද, Max O’Dowd සහ Scott Edwards ලකුණු 16 බැගින් රැස් කළා.

පන්දු යැවීමේදී ඩිල්ෂාන් මධුෂන්ක සහ කසුන් රාජිත කඩුලු 04 බැගින්ද, මහේෂ් තීක්ෂණ එක කඩුල්ලක්ද දවා ගනු ලැබුවා.

ලකුණු 263ක ඉලක්කයක් සහිතව පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම පන්දුවාර 48යි පන්දු 02ක් අවසානයේ කඩුලු 05ක් පමණක් දැවී ලකුණු 263ක් ලබා ගනිමින් මෙවර ලෝක කුසලාන තරගාවලියේ ශ්‍රී ලංකා කණ්ඩායමේ පළමු ජයග්‍රහණය වාර්තා කිරීමට සමත් වුණා.

පැතුම් නිශ්ශංක ලකුණු 54ක්ද, චරිත් අසලංක ලකුණු 44ක්ද, නායක කුසල් මෙන්ඩිස් ලකුණු 11ක්ද,ධනංජය ද සිල්වා ලකුණු 30ක්ද රැස් කළා.

සධීර සමරවික්‍රම නොදැවී ලකුණු 91ක් ලබා ගත්තා.