මේ වන විට සමාජ මාධ්ය තුළ ආන්දෝලනයක් ඇති කර තිබෙන බහාලුමක් සම්බන්ධයෙන් ගුදම් පහසුකම්, බහාලුම්, අංගන, වරාය සැපයුම් සහ බෝට්ටු හා නැව් කර්මාන්ත සංවර්ධන රාජ්ය අමාත්ය ලොහාන් රත්වත්තේ මහතා ප්රකාශයක් සිදුකර තිබෙනවා.
අමාත්යවරයා සදහන් කරන්නේ සමාජ මාධ්ය තුල සංසරණය වන මෙම විඩියෝව සහ එයින් අදහස් කරන අසත්ය සමාජගත කිරීම තරයේ හෙලා දකින බවයි.
මේ වන විටත් මෙම බහලුම ප්රතිනැව්ගත කිරිම සදහා පෙර සුදානම් කිරිමට සමගි බහාලු පර්යන්තය වෙත රැගෙන ගොස් ඇති අතර එයට හේතුව වන්නේ මෙය අධි විකිරණශිලි (Highly Radio Activ) බහඵමක් බැවින් නැවත ප්රති සැකසිමක් සදහා බව රත්වත්තේ මහතා පවසනවා.
ඔහු පෙන්වා දෙන්නේ අදාළ බහාළුම අපනයනය කර ඇත්තෙ ඇන්සන් ලංකා සමාගම බවයි.
එවැනි බහාලුම් ප්රතිනැව් ගත කරන අවස්ථාවන්හීදී මේ ආකාරයෙන් පොලිස් විශේෂ බලකා හෝ පොලිස් ආරක්ෂාව යොදාගන්නා බව රාජ්ය අමාත්යවරයා සදහන් කරනවා.
තවද මෙවැනි බහාලුම් ප්රතිනැව් ගත කිරීමේදී බහාලුමේ ආරක්ෂාව හා අනෙකුත් ආරක්ෂිත ක්රියාමර්ග සදහා වරාය ගිනි නිවීමේ අංශයද සීරුවෙන් තබන බවත් මෙය වරාය තුළ සිදුවන සාමාන්ය සිදුවීමක් බවත් ලොහාන් රත්වත්තේ මහතා වැඩිදුරටත් සදහන් කරනවා.
ඇතැම් සමාජ මාධ්ය තුළ මෙම බහාලුමට විවිධ අර්ථකතනයන් ලබාදී තිබූ අතර ඇතැමක මෙය රාජපක්ෂ පවුලට සම්බන්ධ බහලුමක් බවට පෙන්වා දී තිබුණා.
පසුගිය දින කිහිපය පුරාවටම විවිධ පුද්ගලයින් රටින් පැනයාම හා ඔවුන්ගේ දේපල මෙරටින් පිටකිරීමට ගන්නා ක්රියාමාර්ග හේතුවෙන් ජනතාව සියලුම දේ පිළිබදව සැකයෙන් බැලීමට මේ වන විට හුරුව තිබෙනවා.
මේ හේතුවෙන් අනවශ්ය අර්බුද නිර්මාණය වුවත් ඒ සියල්ලම පවත්නා දේශපාලන අර්බුදය හේතුවෙන් නිර්මාණය වී තිබීම විශේෂත්වයක්.