පාකිස්තානයේ , බලුකිස්තාන් කලාපයේ චීන-පකිස්තාන ආර්ථික කොරිඩෝවේ ව්‍යාපෘතිවල සේවය කරන තම තම වැසියන්ට ප්‍රහාර එල්ල කිරීම නතර කිරීමට කටයුතු කරන ලෙස චීනය පාකිස්තාන හමුදා ප්‍රධානී ජෙනරාල් කමර් ජාවෙඩ් බජ්වාගෙන් ඉල්ලීමක් කර තිබේ.
ජාත්‍යන්තර සහ කලාපීය ආරක්ෂක තත්ත්වයන් පිළිබඳ පාකිස්තානයේ සහ චීනයේ ජ්‍යෙෂ්ඨ නිලධාරීන් අතර පැවති රැස්වීමකදී චීනය මෙම ඉල්ලීම ඉදිරිපත් කර ඇත.
පාකිස්තාන හමුදා ප්‍රධානී ජෙනරාල් බජ්වා, චීනයේ දී චීන හමුදාව සමඟ පැවති රැස්වීමක් අතරතුරදී මෙම ඉල්ලීම ඉදිරිපත් වී ඇති බව පැවසේ.
ත්‍රස්තවාදයට එරෙහි සහයෝගිතාව වැඩි දියුණු කිරීමට දෙපාර්ශ්වයම මෙහිදී ප්‍රතිඥා දී තිබේ.
චීන ජාතිකයින්ට බලුච් කණ්ඩායම් විසින් එල්ල කරන ලද ප්‍රහාර පිළිබඳව ද මෙම හමුවේදී සාකච්ඡා කර ඇති බව පැවසේ.
පාකිස්තාන රජය සමග එක්ව බලුකිස්තානයේ ස්වභාවික සම්පත් කොල්ලකෑමට චීනය උත්සාහ කරන බව පවසමින් බලුච් කැරලිකරුවෝ ගෑස් නල මාර්ග සහ විදුලි කුළුණු වැනි චීන-පකිස්තාන ආර්ථික කොරිඩෝවේ යටිතල පහසුකම් ව්‍යාපෘති සහ එහි සේවකයන් ඉලක්ක කරගෙන ප්‍රහාර එල්ල කරති.
