බොහෝමයක් උසස් අධ්යාපන පාඨමාලා වර්තමානයෙ වන විට ඉංග්රීසි භාෂාවට පමණක් සීමාවීම රටේ අනන්යතාවය ආරක්ෂා කරන ජාතික භාෂාවට බරපතළ තර්ජනයක් බව ජලසම්පාදන අමාත්ය වාසුදේව නානායක්කාර මහතා පවසනවා
ඒ, ආචාර්ය ඊ.එම්. රත්නපාල මහතා රචනා කළ ‘සිංහල බස් විමසුම’ ග්රන්තය එළිදැක්වීමේ උත්සව සභාව අමතමින්.
එමෙන්ම, විශේෂවේදී උපාධි සම්පූර්ණයෙන්ම ඉංග්රීසි භාෂාවෙන් පමණක් ක්රියාත්මකවීම සිදු නොකළ යුත්තක් බවයි ඔහු පෙන්වා දෙන්නේ.
ජාත්යන්තරයට පිවිසීමට ඉංග්රීසි භාෂාව අවශ්ය යැයි අනිවාර්යෙන්ම පිළිගන්නා නමුත් ඒ සෑම දෙයක් තුළින්ම සිංහල භාෂාවට හානියක් නොවී අපගේ භාෂාව ජීව භාෂාවක් වශයෙන් රැකගත යුතු බවත් එසේ නොමැතිව අපේ සිංහල සහ දෙමළ භාෂාවන් නොසලකා හැරලා වෙනත් ආදේශක භාෂා මතම පමණක් පිහිටා කටයුතු කිරීම තුළින් අපගේ භාෂාව පරිහානියට පත්වන බවත් අමාත්යවරයා පෙන්වා දෙනවා
අප්රිකාවේ ඇතැම් ප්රධාන භාෂාවන්ට අත්වූ ඉරණම සිංහල භාෂාවටත් අත්විඳින්න සිදුවනු ඇති බවත් ලෝකයේ බොහෝ රටවල් උසස් අධ්යාපනය ලබාදීමේදී තම රටේ භාෂාවේ අනන්යතාවයට ප්රමුඛතාව දෙමින් කටයුතු කරගෙන යන්නාක් මෙන් ශ්රී ලංකාවේ උසස් අධ්යාපනය සකස් විය යුතු බවත් අමාත්යවරයා සඳහන් කරනවා.