බන්ධනාගාර තුළ රැඳවිය හැකි රැඳවියන් සංඛ්‍යාව 300%කින් ඉහළ ගොස් තිබෙන බව බන්ධනාගාර මූලස්ථානය පවසනවා.
මෙරට තුළ බන්ධනාගාර 36ක් පවතින අතර ඒවායේ රැදෙවිය හැකි රැදවියන් සංඛ්‍යාව 12,000කට ආසන්නයි.
කෙසේවෙතත් මේවන විට බන්ධනාගාර තුළ රැදෙවියන් 31,000කට අධික සංඛ්‍යාවක් සිටින බව බන්ධනාගාර දෙපාර්තමේන්තුව පවසනවා.
කොළඹ මැගසින් බන්ධනාගාරය තුළ රැඳවියන් 670ක් පමණ රැඳවිය හැකි අතර එහි රැඳවියන් 2000කට අධික ප්‍රමාණයක් රඳවා සිටින බවට වාර්තා වනවා.
කොළඹ රිමාන්ඩ් බන්ධනාගාරය තුළ රැඳවියන් 300ක් පමණ රැඳවිය හැකි වුවත් එහි රඳවා ඇති රැඳවියන් සංඛ්‍යාව 2000කට අධිකයි.
මේ වන විට මහර බන්ධනාගාරය තුළ රැඳවියන් 670කට පමණ ඉඩපහසුකම් පැවතියද එහි රැඳවියන් 2500කට අධික සංඛ්‍යාවක් රඳවා තිබෙනවා.
රැඳවියන් 270ක් පමණ රැඳවිය හැකි ගාල්ල බන්ධනාගාරය තුළ රැඳවියන් 1100ක් පමණ රඳවා සිටින බව බන්ධනාගාර මූලස්ථානය පවසනවා.
මෙම තත්වය හේතුවෙන් බොහෝ බන්ධනාගාර වල සැකකරුවන් මුර ක්‍රමයට නිදාගැනිමට සිදුව තිබෙන බවයි වාර්තා වන්නේ.
සෙසු බන්ධනාගාරවල ද මෙවනි තත්වයක් මතුවිම හේතුවෙන් බන්ධනාගාර නිළධාරීන්ද දැඩි අපහසුතාවකට මුහුණ දී සිටිනවා.
මෙවන් පසුබිමක බන්ධනාගාර නිළධාරීන් ගේ වැටුප් අඩු මට්ටමක පැවතිම හේතුවෙන් මේවන විට ඔවුන් සිය රැකියාව අතහැරයන තත්වයක් උද්ගතව තිබෙන බව බන්ධනාගාර ආරංචි මාර්ග සඳහන් කරනවා.
