තලේබාන් පාලනයක් නොවූ 2000-2020 දක්වා වන වසර විස්සක කාලසීමාව තුළ ඇෆ්ගනිස්තානයේ බිහිවූ උපාධිධාරීන්ගේ කිසිදු වටිනාකමක් නොමැති බව එරට වැඩබලන අධ්‍යාපන අමාත්‍ය අබ්දූල් බාකි හක්කානි සදහන් කර තිබේ.
ඔහු පවසා ඇත්තේ ඇමරිකාව ප්‍රමුඛ නේටෝ බලපෑම පැවති හමීඩ් කර්සායි සහ අශ්රෆ් ඝානි යන ජනාධිපතිවරු දෙදෙනාගේ පාලන කාලය තුළ බිහිවූ කිසිදු උපාධියක් තම පාලනය යටතේ සුදුසුකමක් ලෙස සළකනු නොලබන බවයි.
ඒ වෙනුවට ඉස්ලාම් වටිනාකම් පදනම් කරගත් අධ්‍යාපනයක් රට තුළ ස්ථාපිත කරන බවත් මේ වනවිට ඒ සදහා අලුතින් ගුරැවරුන් බදවා ගනිමින් සිටින බවත් ඔහු සදහන් කර තිබේ.
කෙසේවෙතත් විශේෂඥයන් පෙන්වා දී ඇත්තේ 2000 සිට 2020 දක්වා වූ කාලය ඇෆ්ගනිස්තාන අධ්‍යාපන ක්ෂේත්‍රයේ ස්වර්ණමය අවධිය බවයි.
මෙම කාලසීමාව තුළ දී එරට අධ්‍යාපන ක්ෂේත්‍රය විවිධ විෂයන් යටතේ ස්ත්‍රී පුරුෂ නියෝජනයක් සහිතව පුලුල්ව ක්‍රියාත්මක වී ඇති බව එම විශේෂඥයන් වැඩිදුරටත් පෙන්වා දී තිබේ.
