ඇෆ්ගනිස්තානයේ බාලිකා පාසල් වසා දැමීම සම්බන්ධයෙන් තලෙයිබාන් සංවිධානය මව්පියන්ට දොස් පවරා තිබේ.
තලෙයිබාන් සංවිධානය පවසන්නේ රට තුළ පවතින තත්ත්වය අනුව සිය දරුවන් පාසල් වෙත යොමු කිරීමට මව්පියන්ට අවශ්‍යතාවක් නොමැති බවයි.
එහෙත් ඇෆ්ගනිස්තානයේ මව්පියන් පවසන්නේ පාසැල් විවෘත කිරීමට තලෙයිබාන් සංවිධානය සූදානම් තමන් සිය දියණියන් පාසල් වෙත රැගෙන එන බවයි.
මේ අතර ඉකුත් දා තලෙයිබාන් සංවිධානයේ වැඩබලන අධ්‍යාපන අමාත්‍ය නූරුල්ලා මුනි එරට Uruzgan ප්‍රදේශයේ සංචාරය කර තිබූ අතර එහිදී බාලිකා පාසල් විවෘත කිරීම සම්බන්ධයෙන් විමසීමට හෝ ප්‍රදේශවාසීන්ට අවස්ථාවක් ලබා දී නොතිබිණි.
වැඩබලන අමාත්‍යවරයා සදහන් කර තිබුණේ රටේ සංස්කෘතිය කුමක්ද යන්න සියලු දෙනාට පැහැදිලි බවයි.
රට තුළ යහපත් පරිසරයක් නිර්මාණය වුවහොත් බාලිකා පාසැල් යලි විවෘත කල හැකි බව ද වැඩබලන අමාත්‍යවරයා සදහන් කර තිබේ.
එහෙත් අමාත්‍යවරයා සිය ප්‍රජාව නියෝජනය නොකරන බව Uruzgan වැසියන් පවසයි.
කෙසේවෙතත් ඇෆ්ගන් වැසියන් පවසන්නේ තලෙයිබාන් රජය ජනතාවගේ ඉල්ලීම් වලට ඇහිම්කන් දී පාසල් යළි විවෘත කළ යුතු බවයි.
ආගමික කරුණු පදනම් කර ගනිමින් තලෙයිබාන් සංවිධානය අවුරුදු 16 ට වැඩි සිසුවියන් අධ්‍යාපන ලබන ද්විතීක පාසල් වසා දමනු ලැබුවේ ජාත්‍යන්තරයේ දැඩි විවේචන මධ්‍යයේයි.
