රටේ දුප්පත්ම ජනතාව පවා වක්ර බදුවලින් 80%ක් සඳහා දායක වන බව ජනාධිපති රනිල් වික්රමසිංහ පාර්ලිමේන්තුවේ විශේෂ ප්රකාශය කරමින් සඳහන් කළේය.
මේ තත්ත්වය වෙනස් කිරීම යුගයේ අවශ්යතාවයක් බවයි ජනාධිපතිවරයා පවසන්නේ.
“2019 බදු ප්රතිපත්තිවලට අනුව දළ දේශීය නිෂ්පාදිතයෙන් 14%ක් බදු මගින් උපයා තිබෙනවා. නමුත් මෙම ප්රතිපත්තිය වෙනස් කිරීම නිසා බදු ආදායම 8.5% දක්වා පහත වැටුණා. දැන් අපි ජාත්යන්තර මූල්ය අරමුදල සමඟ සාකච්ඡා කර එය 14% දක්වා වැඩි කිරීමට එකඟ වී තිබෙනවා යනුවෙන් ද ජනාධිපතිවරයා පාර්ලිමේන්තුවේදී පැවසීය.
මේ අතර පවතින ආර්ථික අර්බුදය හමුවේ අවදානම් කාණ්ඩයේ පසුවන පවුල් සහ පුද්ගලයින් සඳහා සුබසාධන වැඩසටහනක් ආරම්භ කර තිබෙනවා.
ඒ යටතේ මිලියන 3.1ක පිරිසක් සඳහා ප්රතිලාභ ලබාදීමට නියමිත බව ජනාධිපති මාධ්ය අංශය සඳහන් කරනවා.
අදාළ ප්රතිලාභීන් සහ ඔවුන්ගේ පවුල්වල සාමාජිකයින්ගේ අවශ්යතා සපුරාලීමේ අරමුණින් මෙම වැඩසටහන අද (06) සිට ආරම්භ කර තිබෙනවා. ප්රතිලාභ ලබාගැනීම සඳහා ඔක්තෝබර් 15 වනදාට පෙර www.wbb.gov.lk යන වෙබ් අඩවියේ ලියාපදිංචි විය යුතු බව සඳහන්.
මේ පිළිබඳ වැඩිදුර තොරතුරු ද එම වෙබ් අඩවියෙන් ලබාගත හැකි බවයි ජනාධිපති මාධ්ය අංශය පවසන්නේ.