විවේචනයන්ට දිය හැකි හොඳම පිළිතුර සාර්ථකත්වය බව සෞඛ්ය අමාත්ය කෙහෙළිය රඹුක්වැල්ල මහතා පවසනවා.
මහනුවර ජාතික රෝහලේ කොවිඩ් ප්රතිකාර ඒකකය සඳහා රුපියල් ලක්ෂ 25ක මුදලක් මහනුවර මුස්ලිම් ප්රජාව මඟින් සෞඛ්ය අමාත්ය කෙහෙළිය රඹුක්වැල්ල මහතා වෙත ඊයේ (17) ලබා දුන් අතර එම අවස්ථාව ඇමතූ අමාත්යවරයා පවසා සිටියේ කණ්ඩායමක් ලෙස කටයුතු කරන්නේනම් අභියෝග ජයගැනීම දුෂ්කර කාර්යක් නොවනු ඇති බවයි.
කුමන විවේචන එල්ල වුවද කොවිඩ් වසංගතය මැඩලීම සඳහා සෞඛ්ය අංශ උපරිමයෙන් කටයුතු කරන බවත් ජාති, ආගම්, කුල භේද පසෙකලා සියළුමදෙනා එක්වී කටයුතු කිරීම සම්බන්ධයෙන් ආඩම්බර වන බවත් ඔහු පවසනවා.
සියළුම දෙනා ශ්රී ලාංකිකයන් හැටියට රට ආරක්ෂා කළ යුතුයි යන මතයේ සිට කටයුතු කිරීම ක්රියාවෙන් දක්නට ඇති බවත් මෙහිදී අමාත්යවරයා සඳහන් කර සිටියා.
මෙම අවස්ථාවට සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා ඇතුළු පිරිසක් එක්ව සිටියා.