දේවගැති ජෙරොම් ප්රනාන්දු සිය නීතිඥවරුන් මාර්ගයෙන් ඉදිරිපත් කර ඇති මුලික අයිතිවාසිකම් පෙත්සම සලකා බැලීම සඳහා ලබන 05 වනදා ශ්රේෂ්ඨාධිකරණය හමුවේ කැඳවීමට නියමිතයි.
අපරාධ පරීක්ෂණ දෙපාර්තමේන්තුව විසින් තමා අත්අඩංගුවට ගැනීම වැළැක්වීමේ නියෝගයක් නිකුත් කරන මෙන් ඉල්ලා මෙම පෙත්සම ගොනු කර තිබුණා.
මේ අනුව එදින පෙත්සම විවෘත අධිකරණයේ කැඳවනු ලබන අතර පෙත්සම්කරු වෙනුවෙන් ජනාධිපති නීතිඥ රියන්සි අර්සකුලරත්න මහතා කරුණු දැක්වීමට නියමිතව තිබෙනවා.
අදාළ පෙත්සමේ වගඋත්තරකරුවන් ලෙස පොලිස්පතිවරයා, අපරාධ පරීක්ෂණ දෙපාර්තමේන්තුව භාර නියෝජ්ය පොලිස්පතිවරයා, එහි අධ්යක්ෂවරයා සහ පරිගණක අපරාධ විමර්ශන අංශයේ ස්ථානාධිපතිවරයා නම් කර ඇති බව සඳහන්.
පෙත්සම්කරු සිය පෙත්සමෙන් කියා සිටින්නේ වගඋත්තරකරුවන් විසින් තමන්ව නීතිවිරෝධී ලෙස අත්අඩංගුවට ගැනීමේ සුදානමක් පවතින බවයි.
මෙමඟින් සිය මුලික මිනිස් අයිතිවාසිකම් උල්ලංඝනය වී ඇති බැවින් තීන්දුවක් ලබා දී තමන්ව අත්අඩංගුවට ගැනීම වැළැක්වීමේ නියෝගයක් වග උත්තරකරුවන් වෙත නිකුත් කරන ලෙසත් ඉල්ලමින් පෙත්සම ඔහු විසින් ඉදිරිපත් කර තිබෙනවා.