මරණ දණ්ඩනය නියම වී සිටින රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතා ඇතුළු විත්තිකරුවන් ගොනුකර ඇති අභියාචනා විභාග කිරීම සඳහා අභියාචනාධිකරණය දින නියම කර තිබේ.
ඒ අනුව, අභියාචනාධිකරණ විනිසුරු මඩුල්ල විසින් එම අභියාචනාවන් සැප්තැම්බර් මස 7 වන දා විභාගයට ගැනීමට නියම කළ අතර එහිදි නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල්වරයා මීට අදාළව කරුණු දැක්වීම සඳහා තමන්ට කල්ලබාදෙන ඉල්ලීමක් කරන ලදි.
2015 ජනාධිපතිවරණ සමයේදී පුද්ගලයෙකුට වෙඩි තබා ඝාතනය කිරීම සම්බන්ධයෙන් වරදකරු බවට ඔප්පු වූ ‘චොකා මල්ලි’ හෙවත් ප්‍රේමලාල් ජයසේකර ඇතුළු තිදෙනෙකුට රත්නපුර මහාධිකරණය විසින් පසුගිය වසරේ ජූලි මස 31 වනදා මරණ දඬුවම නියම කරන ලදි.
තමන්ට දඩුවම් නියම කර ඇති ආකාරය නීතියට පටහැනි බවත් තමන්ව එම චෝදනාවලින් නිදොස් කොට නිදහස් කරන ලෙසත් ඉල්ලමින් ඔවුන් එම අභියාචනා ඉදිරිපත් කර තිබේ.
