හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර මහත්මිය සාමකාමී විරෝධතාවක යෙදී සිටියදී නීති විරෝධී ලෙස අත්අඩංගුවට ගන්නා ලෙස මහජන ආරක්ෂාව භාර අමාත්‍ය ටිරාන් අලස් මහතා නියෝග කිරීමේ සිදුවීමක් පිළිබඳ මේ වන විට කරුණු අනාවරණය වී තිබෙනවා.
එහිදී අමාත්‍යවරයා විසින් කොළඹ දකුණු දිසාව භාර ජේෂ්ඨ පොලිස් අධිකාරී මාරපන මහතා අමතමින් අදාළ නියෝගය ලබාදී ඇති බවත් අනීතික නියෝග පිළිපැදීමට නොහැකි බව පවසා අදාළ නිලධාරියා විසින් අමාත්‍යවරයාගේ නියෝගය ප්‍රතික්ෂේප කර ඇති බවත් විශ්‍රාමික ජේෂ්ඨ නියෝජ්‍ය පොලිස්පති ප්‍රියන්ත ජයකොඩි මහතා සඳහන් කර තිබෙනවා.
ඔහු පවසන්නේ දේශපාලනඥයන්ගේ අනීතික නියෝගයන්ට එරෙහිව කටයුතු කරන නිලධාරීන් ආරක්ෂා කිරීමට සියලු දෙනා එකට අත්වැල් බැඳ ගත යුතු බවයි.
ජාතික පොලිස් කොමිසමේ සභාපතිවරයා විසින් බැසිල් රාජපක්ෂ මහතා පිළිගැනීමට කටුනායක ජාත්‍යන්තර ගුවන් තොටුපලට යාමේ සිදුවීම සහ වර්තමානයේ පොලිසිය දේශපාලනීකරණය වීමේ සිදුවීම් රැසක් පිළිබද කරුණු හෙළිකර තිබෙන්නේ අන්තර්ජාල නාලිකාවක් සමඟ සාකච්ඡාවකට එක් වෙමින්.
ඊට අදාළ දර්ශන පහතින්,
