ඔන්ලයින් ක්‍රමයට හෝ මත්පැන් අලෙවි කිරීමට අනුමැතිය ලබාදිය නොහැකි බව කොවිඩ් 19 පැතිරීම වැළක්වීමේ කාර්ය සාධක බළකාය පවසනවා.
එහි ප්‍රධානී යුදහමුදාපති ජෙනරාල් ශවේන්ද්‍ර සිල්වා මහතා පවසන්නේ ඔන්ලයින් ක්‍රමයට මත්පැන් අලෙවි කිරීමට මුදල් අමාත්‍යංශය විසින් ගන්නා ලද ප්‍රතිපත්තිමය තීරණය සඳහා අනුමැතිය ලබාගැනීමට කොවිඩ් 19 පැතිරීම වැළක්වීමේ කාර්ය සාධක බළකාය වෙත එවා තිබූ බවයි.
ඒ අනුව එම බලකායේ තීරණය වූයේ ඔන්ලයින් ක්‍රමයට හෝ මත්පැන් අලෙවි කිරීමට අනුමැතිය ලබාදිය නොහැකි බවයි.
මේ වන විට මත්පැන් අලෙවි නොකරන තත්ත්වයක් තුළ සුරාබදු දෙපාර්තමේන්තුව ලබාඇති දැවැන්ත අලාභය සළකා ඔන්ලයින් ක්‍රමයට සුපිරි වෙළෙඳසැල් මාර්ගයෙන් මත්පැන් අලෙවිකිරීමට මුදල් අමාත්‍යාංශයෙන් අවසර ඉල්ලා සුරාබදු දෙපාර්තමේන්තුව විසින් ලිපියක් යොමුකර තිබුණා.
ඊට මුදල් අමාත්‍යාංශයේ අනුමැතිය හිමිවී තිබුණද එම තීරණයට සෞඛ්‍ය අංශ දැඩිව විරෝධය පලකිරීමත් සමඟ ඊට අනුමැතිය ලබාගැනීම සඳහා කොවිඩ් 19 පැතිරීම වැළක්වීමේ කාර්ය සාධක බළකාය වෙත යොමුකර තිබුණා.
