සිය 5 හැවිරිදි දරුවාගේ ගෙළට පිහියක් තබා දෙදෙනා ම ජීවිතය නැති කරගන්නා බවට බිරිඳට තර්ජනය කරමින් වීඩියෝ පටයක් නිකුත් කළ පියෙකු කුලියාපිටිය පොලිසිය මගින් අත්අඩංගුවට ගෙන තිබෙනවා.
මීට තෙමසකට පෙර විදෙස්ගත වූ බිරිඳ ගෙන්වා ගැනීමේ අරමුණින් ඔහු මෙම ක්රියාව සිදු කර ඇතැයි මූලික පොලිස් පරීක්ෂණවලදී අනාවරණය වී ඇති අතර සැකකරු අදාළ වීඩියෝව තම බිරිඳට සහ බිරිඳ විදෙස්ගත කළ ආයතනයට යොමුකර ඇති බවට ද අනාවරණ වී තිබෙනවා.
පියාගේ ක්රියාව හේතුවෙන් එම දරුවා දැඩි ලෙස බියට පත් වී සිටින අයුරු එම වීඩියෝවේ දැක්වෙන අතර සිද්ධිය සම්බන්ධයෙන් අනාවරණය වීමෙන් අනතුරුව කුලියාපිටිය පොලිසිය සැකකරු අත්අඩංගුවට ගෙන, දරුවා ද පොලිස් භාරයට ගෙන තිබෙනවා.
මව පැමිණෙන තෙක් ඇයගේ ඥාතියෙකු සමග යාමට අවශ්ය බව දරුවා පොලිසියේදී සඳහන් කර ඇති අතර අත්අඩංගුවට පත් සැකකරු අධිකරණයට ඉදිරිපත් කිරීමට නියමිත වනවා.