සිය බිරියද හවුල්කරගනිමින් නිවසේ පවත්වාගෙන ගිය බූරුපොළට පොලිකරුවකුගෙන් ලබාගත් මුදල වෙනුවට තම පාසල් යන 16 හැවිරිදි දියණිය විකිණු බව කියන පියකු අත්අඩංගුවට ගත් බව අගලවත්ත පොලීසියේ ළමා කාන්තා කාර්යංශය පවසනවා.
මේ පිළිබඳ තොරතුරු අනාවරණ වී ඇත්තේ මුදල් පොලියට ලබාදෙන පුද්ගලයා රහසිගතව සිසුවියට ලබා දී තිබූ ජංගම දුරකථනය ඇයගේ පුංචි අම්මාට හසුවීම හේතුවෙන්.
දැරිය මාමා අතින්ද මීට වසර දෙකකට පෙර දුෂණයට ලක්වී තිබෙන බව පොලීසිය සඳහන් කරනවා.
සැකකාර පියා ඊයේ (30) සවස අත්අඩංගුවට ගැනීමෙන් පසු මාමා සහ පොලී මුදලාලි ප්‍රදේශයෙන් පලාගොස් තිබෙන බවට වාර්තා වෙනවා.
දියණියන් දෙදෙනකුගේ මවක හා පියකු වන සැකකාර පියා තම නිවසේ කාලයක් තිස්සේ රහසිගතව සූදුපොළක් පවත්වාගෙන ගොස් තිබු අතර කලවාන ප්‍රදේශයේ 38 හැවිරිදි විවාහක පුද්ගලයකු මෙම සූදුපොලට මුදල් පොලීයට දිමට විටින් විට මෙම නිවසට පැමිණ තිබෙනවා.
සැකකාර පියා බූරුවා ගැසීමට පොලී මුදලාලිගෙන් ලබාගත් මුදල් ගෙන ඒ වෙනුවට තම දියණිය ලිංගික කටයුතු සඳහා යොමුකර ඇති බව පරීක්ෂණ වලින් අනාවරණය වී තිබෙන බව පොලීසිය සඳහන් කරනවා.
