රට තුළ ක්‍රියාත්මක වන සංචරණ සීමා ජුනි මස 21 වන දායින් අවසන් කිරීම පිළිබඳව රජය තවමත් අවසාන තීරණයක් ගෙන නොමැති බව සම කැබිනට් මාධ්‍ය ප්‍රකාශක අමාත්‍ය කෙහෙළිය රඹුක්වැල්ල මහතා පවසයි.
සංචරණ සීමාවන් ඉවත් කිරීම පිළිබඳ පුරෝකථනය කළ නොහැකි බවත් රටේ ඒ වන විට පවත්නා තත්ත්වය සැලකිල්ලට ගනිමින් එම තීරණය ආසන්න දිනයකදී ලබා ගැනීම්ට කටයුතු කරනු ඇතැයි අමාත්‍යවරයා මාධ්‍ය කළ විමසීමකට පිළිතුරු ලබා දෙමින් සඳහන් කර ඇත.
සංචරණ සීමා ජුනි මස 7 වන දා ඉවත් කිරීමට රජය මීට පෙර තීරණය කරනු ලැබූ අතර පසුව ජුනි මස 14 වන දා සිට ජුනි මස 21 වන දා දක්වා ද දීර්ඝ කිරීමට කටයුතු කරන ලදී.
