15 හැවිරිදි දැරියක් සියදිවි හානි කරගැනීමට උත්සහ කළ අවස්ථාවක් වාර්තා වනවා.
ඇය එලෙස සිදුකර ඇත්තේ සිය ගුරුවරයා හට සිය අඩනිරුවත් ඡායාරූප යැවීමෙන් අනතුරුව බවයි පැවසෙන්නේ.
කොළඹ ප්රදේශයේ පාසලක ඉගෙනුම ලබන 15 හැවිරිදි දැරිය වැඩිදුර අධ්යාපනය සඳහා ඇය මෙම සැකකාර ගුරුවරයා විසින් ඉගැන්වීම් කටයුතු සිදුකරන මහරගම ප්රදේශයේ පිහිටි උපකාර පන්තියකට සහභාගී වී තිබෙනවා.
පවතින වසංගත තත්වය හේතුවෙන් පාසල් වැසීයාමන් අනතුරුව අදාල ගුරුවරයාද ඔන්ලයින් ක්රමයට සිය පන්ති පවත්වා ඇති අතර ඒ අතරතුර වෙනත් කාන්තාවන්ගේ නිරුවත් ඡායාරූප දැරිය වෙත යවා ඒ ආකාරයෙන් ඇයගේ උඩුකය නිරුවත් ඡායාරූප ගෙන්වා ගැනීමට ඇයව පොළඹවාගෙන ඇති බවයි පොලිස් පරීක්ෂණවලදී අනාවරණ වී ඇත්තේ.
පසුව සිද්ධියට මුහුණදුන් දැරිය පෙති වර්ගයක් පානය කිරීම හේතුවෙන් මේවනවිට රෝහල්ගත කර සිටිනවා.
දැරියගේ මව ජාතික ළමා ආරක්ෂණ අධිකාරියට කරන ලද පැමිණිල්ලක අනුව පිලියන්දල පොලිසියට විසින් අදාළ සැකකාර ගුරුවරයාව පානදුර දිග්ගල ප්රදේශයේදී අත්අඩංගුවට ගෙන තිබෙනවා.
එම උපකාරක පන්ති ගුරුවරයා 35 හැවිරිදි විවාහක පුද්ගලයෙක්.
