- “පරාක්රමභාහුට පස්සෙ වැඩිම අස්වැන්නක් ගත්තෙ මගේ කාලෙ”
- “මම පාර්ලිමේන්තුවේ පස්සට වෙලා, අල වවාගෙන සතුටින් ඉන්නවා’
- “මට කරපු වැඩේ වැරදියි, මම පන්සල් යනවා”
- “අධ්යාපන අමාත්යංශය ලැබුනොත් ගන්නවා”
අධ්යාපන අමාත්යංශය තමන් හට ලබා දීමට කටයුතු කළහොත් එය භාරගන්නා බව පාර්ලිමේන්තු මන්ත්රී එස්.බී.දිසානායක මහතා පවසනවා.
ඒ අද (16) පැවති මාධ්ය හමුවකදී මාධ්යවේදීන් විසින් අධ්යාපන අමාත්යංශය ඔහුට ලබාදෙන බවට පවතින කටකතාව සම්බන්ධයෙන් මන්ත්රීවරයාගෙන් විමසූ අවස්ථාවේදීයි.
කෙසේ නමුත් තමන් ඒ පිළිබඳව නිශ්චිතව නොදන්නා බවත් තමන් එය අපේක්ෂාවෙන් නොසිට සරල ආකාරයෙන් ජීවිතය ගත කරන බවත් ඔහු පවසනවා.
තමන් පාර්ලිමේන්තුවේ සිටින සියල්ලන්ටම වඩා ජ්යේෂ්ඨයෙක් වුවද පාර්ලිමේන්තුව පිටුපසට වී යම් කළකිරීමකින් සිටින බවයි ඔහු පවසන්නේ.
එමෙන්ම තමන්ගේ අර්තාපල් වගාව අක්කර 20ක් පමණ වන බවත් තමන් නිතිපතා පන්සල් යන බවත් ඔහු මාධ්ය හමුවේ කියා සිටියා.
තමන් භාරගත් සියළුම අමාත්යංශ වාර්තා තබා ඇති බවත් විශේෂයෙන් කෘෂිකර්ම අමාත්යංශය මහා පරාක්රමභාහු රජුට පසුව වැඩිම අස්වැන්නක් ගනිමින් වාර්තාවක් පිහිටවූ බවත් ඔහු පෙන්වා දෙනවා.