අද (01) සහ හෙට (02) යන දින දෙක තුළදී දී පැය 2යි විනාඩි 20ක විදුලි කප්පාදුවක් සිදුවන බව මහජන උපයෝගිතා කොමිසම ලංකා විදුලිබල මණ්ඩලයට අවසර ලබා දී තිබෙනවා.
ඒ අනුව, A,B,C,D,E,F,G,H,I,J,K,L,P,Q,R,S,T,U,V,W කලාප සඳහා දිවා කාලයේ පැය 1ක් සහ රාත්රී කාලයේ දී පැය 1යි විනාඩි 20ක් ලෙස විදුලි කප්පාදුව සිදුකිරීමට නියමිතයි.
කෙසේ වෙතත් ඊයේ (30) දිනයේ මහජන උපයෝගීතා කොමිසම සඳහන් කළේ අද (01) දින සිට විදුලි කප්පාදුව සඳහා අවසර ලබා දී නොමැති බවයි.
මේ අතර දකුණු පළාත සහ ඇල්ල සංචාරක කලාපය හෙට (01) රාත්රී විදුලි කප්පාදුවෙන් නිදහස් කර තිබෙනවා.
විදුලිබල සහ බලශක්ති අමාත්ය කංචන විජේසේකර ටිව්ටර් පණිවිඩයක් නිකුත් කරමින් කියා සිටියේ දෙසැම්බර් 15 වනදා දක්වා දිවයිනේ සෙසු ප්රදේශ සඳහා දහවල් කාලයේ පැයක් සහ රාත්රී කාලයේ පැයයි විනාඩි 20ක කාලයක් විදුලි කප්පාදුව සිදුවන බවයි.
වැඩිදුරටත් අදහස් දක්වමින් අමාත්යවරයා ප්රකාශ කළේ දෙසැම්බර් 15 වනදායින් පසුව සංචාරක අමාත්යාංශය විසින් හඳුනාගෙන ඇති සියලු සංචාරක කලාපය සඳහා රාත්රී විදුලි කප්පාදුව සිදු නොවන බවයි.