ඇමරිකා එක්සත් ජනපදයට යෑමට අවස්ථාව හිමිවන ග්‍රීන් කාඩ් ලොතරැයිය සඳහා මෙවර ඉල්ලුම් කිරීමට ජනතාව අතර දැඩි උනන්දුවක් පැවති බව කොළඹ දිස්ත්‍රික් වෘත්තීය ඡායාරූපශාලා හිමියන්ගේ සංගමය පවසනවා.
එම ලොතරැයියට ඉල්ලුම් කිරීම සඳහා ඡායාරූප ගැනීමට පැමිණි පුද්ගලයින්ගේ ප්‍රමාණය පෙර වසරවලට සාපේක්ෂව 500% කින් පමණ ඉහළ ගොස් තිබූ බව එම සංගමයේ සභාපති රනිල් රූපසිංහ සඳහන් කරනවා.
මෙවරත් ග්‍රීන්කාඩ් ලොතරැයිය සඳහා පුද්ගලයින් 55,000 කට ඇමරිකාවට ඇතුළුවීම සඳහා වීසා නිකුත් කිරීමට එරට රාජ්‍ය දෙපාර්තමේන්තුව පියවර ගෙන තිබෙනවා.
ග්‍රීන්කාඩ් ලොතරැයිය සඳහා ඉල්ලුම් කිරීම ඔක්තෝම්බර් 6 වන දා සිට ඇරඹුණු අතර එය පෙරේදා (09) දිනයෙන් අවසන් වුණා.
