ශ්‍රී ලංකා ක්‍රිකට් කණ්ඩායමේ හිටපු සුපිරි පිතිකරු සනත් ජයසූරියව ජාතික ක්‍රීඩා තේරීම් කමිටුවේ සමාජිකයකු ලෙස පත්කර තිබෙනවා.
ආරක්‍ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතාගේ සභාපතිත්වයෙන් යුත් ජාතික ක්‍රීඩා තේරීම් කමිටුවට සාමාජිකයන් හත් දෙනකු ක්‍රීඩා අමාත්‍යවරයා පත්කර තිබේ.
මේ අතර, ඕස්ට්‍රේලියා ක්‍රිකට් ආයතනය (Cricket Australia – CA) ලිංගික අපයෝජනයට ලක්වූ ළමා ක්‍රීඩක ක්‍රීඩිකාවන්ගෙන් සමාව අයැද සිටිනවා.
ළමා අපයෝජකයෙකු වූ ක්‍රිකට් පුහුණුකරු Ian King (ඉයන් කින්ග්) හට ලබා දුන් සිර දඬුවම තවත් වසර තුනකින් පමණ දීර්ඝ කිරීමෙන් අනතුරුව ඕස්ට්‍රේලියා ක්‍රිකට් ආයතනය මේ බව පළ කළා. යොවුන් ක්‍රීඩකයෙකු අපයෝජනයට ලක්කිරීම සම්බන්ධව ඔහුට ඒ දඬුවම හිමි වුනා.
ඕස්ට්‍රේලියා ක්‍රිකට් ආයතනය ඉල්ලා සිටින්නේ ක්‍රීඩාව හා සම්බන්ධ සියලු ආයතන ජාතික පිළියම් පටිපාටියකට (National redress scheme) එක්වන ලෙසයි.
