රිච්මන්ඩ් විද්යාලයීය ආදිශිෂ්ය සංගමය විසින් දෙවැනි වරටත් සංවිධානය කරනු ලබන Richmond Champions League (RCL) විස්සයි20 ක්රිකට් තරගාවලිය මෙවරද දෙසැම්බර් 27,28 සහ 29 යන තෙදින තුළ ගාල්ල ජාත්යන්තර ක්රීඩාංගණයේදී පැවැත්වීමට නියමිතයි.
පසුගිය වසරේ ඇරඹි මෙම තරඟාවලිය දිවයිනේ පාසලක් විසින් සංවිධානය කෙරෙන පළමු සහ එකම ලීග් තරගාවලිය වීමද විශේෂත්වයක්.
දැනට ජාතික කණ්ඩායම නියෝජනය කරන චරිත් අසලංක, වනිඳු හසරංග, කමිඳු මෙන්ඩිස් සහ ධනංජය ලක්ෂාන් යන ක්රීඩකයෝ මෙම තරඟාවලියට ක්රීඩා කිරීමට නියමිතයි.
එමෙන්ම ශ්රී ලංකා වයස අවුරුදු 19න් පහළ කණ්ඩායමට ක්රීඩා කළ තවීෂ අභිෂේක්, සඳුන් මෙන්ඩිස්, දිලුම් සුධීර සහ අම්ෂි ද සිල්වාද මෙම තරඟාවලියට සහභාගි වනවා.
ට්රිග්ස්, සැමුවෙල්ස් සහ හාට්ලීස් යන කණ්ඩායම් ත්රිත්වය යටතේ රිච්මන්ඩ් විද්යාලයේ ආදි සහ වත්මන් ක්රීඩකයන් තරඟ වදින මෙම තරඟාවලියේදී චරිත් අසලංක ට්රිග්ස් කණ්ඩායමටද, වනිඳු හසරංග හාට්ලීස් කණ්ඩායමටද, ජාතික කණ්ඩායමේ දොරට තට්ටු කරමින් සිටින කඩුලු රකින ක්රීඩක සිතාර ලියනගේ සැමුවෙල්ස් කණ්ඩායමටද නායකත්වය සපයනවා.
එමෙන්ම මෙම තරඟාවලියට සමගාමීව රිච්මන්ඩ් විද්යාලයෙන් බිහි වූ ජාතික ක්රිකට් ක්රීඩකයන් ඇගයීමක්ද දෙසැම්බර් 29 වැනිදා ගාල්ල ලයිට්හවුස් හෝටලයේදී පැවැත්වෙන අතර, ඒ සඳහා ශ්රී ලංකා ජාතික කණ්ඩායම නියෝජනය කළ චම්පක රාමනායක, චමිල ගමගේ යන මහත්වරුන් සහ දැනට ජාතික කණ්ඩායම නියෝජනය කරන සුරංග ලක්මාල් සහ ධනංජය ද සිල්වා සහභාගි වීමට නියමිතයි.
පසුගිය වර පැවැති පළමු RCL තරඟාවලියේ ශූරතාව දිනාගැනීමට චරිත් අසලංකගේ ට්රිග්ස් කණ්ඩායම සමත් වූ අතර, අනුශූරතාව සිතාර ලියනගේ ගේ සැමුවෙල්ස් කණ්ඩායමට හිමිවුණා.