හබරාදූව,පීල්ල ගොඩ චෛත්යාලංකාර විහාරස්ථානය වැඳපුදා ගැනීමට ගිය යුක්රේන ජාතික සංචාරක කාන්තාවකට ලිංගික අතවරයක් සිදු කළ බව කියන දහ නම හැවිරිදි තරුණයකු හබරාදුව පොලිසිය විසින් සැකපිට අත්අඩංගුවට ගෙන තිබෙනවා.
මෙලෙස අත්අඩංගුවට ගත් සැකකරු උණවටුන ප්රදේශයේ පදිංචි අයෙක් බවයි සඳහන් වන්නේ.
උණවටුන ප්රදේශයේ හෝටලයක නවාතැන් ගෙන සිටින මෙම සංචාරක කාන්තාව විහාරස්ථානය වන්දනාමාන කිරීමට යාම පුරුද්දක් කරගෙන සිට ඇති තැනැත්තියක් බව පොලීසිය පවසනවා.
සංචාරක කාන්තාව පෙරේදා(21) දිනයේ ද සුපුරුදු ලෙස විහාරස්ථානයට ගොස් බෝධිය වන්දනාමාන කිරීමේ නිරතව සිටින අවස්ථාවේ සැකකාර තරුණයා පැමිණ බුදු ගෙය වන්දනා කිරීමට ඇයට ආරාධනයක් කර තිබෙනවා.
එම තරුණයාගේ ආරාධනය අනුව මෙම සංචාරක කාන්තාව බුදු ගෙය වන්දනාමාන කර පිටතට පැමිණෙනවාත් සමගම එම තරුණයා ඇයට ලිංගික අතවරයක් කර පලාගොස් තිබෙන බව පොලිසිය පවසනවා.