ඉලංගෙයි තමිල්අරුසකච්චි පක්ෂයේ නිර්මාතෘවරයා වන දිවංගත නීතිඥ සැමුවෙල් ජේම්ස් වේලුපිල්ලෙයි සෙල්වනායගම් මහතාගේ 44 වන ගුණසැමරුම් උත්සවය පෙරේදා (26) යාපනයේදී පවත්වා තිබෙනවා.
ඉලංගෙයි තමිල් අරුසකච්චි පක්ෂයේ වත්මන් නායක මාවෙයි සේනාධිරාජා මහතාගේ ප්රදානත්වයෙන් මෙම ගුණ සැමරුම් උත්සවය සංවිධානය කර තිබුණේ යාපනයේ පිහිටි සෙල්වනායගම් පිලිරුව අසලදීයි.
එහිදී සෙල්වනායගම් පිළිරුවට මාවෙයි සේනාධිරාජා මහතා අතින් මල්මාලා දැමීම සිදු වූ අතර සෙසු පිරිස් සෙල්වනායගම් පිලිරුව අසලට එක්වී මල්පහන් දැල්වීම සිදුකර තිබෙනවා.
මෙම අවස්ථාවට දෙමළ ජාතික සන්ධානයේ පාර්ලිමේන්තු මන්ත්රීවරුන් මෙන්ම හිටපු මන්ත්රීවරුන් සහ හිටපු පළාත්සභා මන්ත්රීවරුන් කිහිප දෙනෙකුද එක්වුණා.
මේ අතර කොවිඩ් සෞඛ්ය මාර්ගෝපදේශ නොතකා යාපනය දිස්ත්රික්කයේ ඉරුපාලි නැගෙනහිර පිහිටි නාචිමාර් කෝවිලේ පැවැත්වූ තේරු උත්සවය සම්බන්ධයෙන් අදාළ ආගමික උත්සවයේ භාරකාර මණ්ඩලයේ සභාපතිවරයාව සහ ලේකම්වරයාව පොලීසිය විසින් අත්අඩංගුවට ගෙන තිබෙනවා.