හෙළිදරව් නොකරන ලද ආදායම් හා වත්කම් හෙලිදරුව් කිරීමට හා ආයෝජනය කිරීමට ව්යවසායන් දිරි ගැන්වීම සඳහා එවැනි ආයෝජකයින් සඳහා සහනයක් ලබා දීමට රජය විසින් කටයුතු කර ඇත.
එවැනි වත්කම් විමර්ශනයකට හෝ නඩු පැවැරීමකට යටත් වීමෙන් නිදහස් කිරිමට කැබිනට් අනුමැතිය ලැබී ඇති අතර ඒ සඳහා ‘ස්වෙච්ඡාවෙන් හෙළිදරව් කිරීම මත බද්ද’ යනුවෙන් සියයට 1ක බද්දක් පැනවීමට නියමිත වේ. මෙම යෝජනාව 2021 අයවැය මගින් ඉදිරිපත් කර තිබුණි.
ඒ සඳහා අවශ්ය නීතිමය විධි විධාන සැලසීම පිණිස 2021 මුදල් පනත කෙටුම්පත් කිරීම සදහා 2021 පෙබරවාරි 22 දින අමාත්ය මණ්ඩල අනුමැතිය ලබා දී තිබුණි.
ඒ අනුව සකස් කර ඇති පනත් කෙටුම්පත රජයේ ගැසට් පත්රයේ පළ කිරීමටත් ඉන් අනතුරුව පාර්ලිමේන්තුවට ඉදිරිපත් කිරීමටත් මුදල් අමාත්යවරයා වශයෙන් අග්රාමාත්ය මහින්ද රාජපක්ෂ මහතා ඉදිරිපත් කළ යෝජනාවට අමාත්ය මණ්ඩලයේ අනුමැතිය ලැබී තිබේ.