වසංගත රෝග විද්‍යා ඒකකයේ අධ්‍යක්ෂ විශේෂඥ වෛද්‍ය සුදත් සමරවීර මහතා හට හදිසි ස්ථාන මාරුවක් ලබාදී තිබෙනවා.
ඒ අනුව සුදත් සමරවීර මහතා ඩෙංගු ඒකකයේ අධ්‍යක්ෂවරයා ලෙස පත්කර ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසනවා.
වසංගත රෝග විද්‍යා අංශයේ වැඩබලන අධ්‍යක්ෂකවරයා ලෙස ලෙස වෛද්‍ය සමිත ගිනිගේ මහතා පත්කර ඇති බවයි වාර්තා වන්නේ.
කොවිඩ් පාලනයේදී වසංගත රෝග විද්‍යා ඒකකය ගත් ක්‍රියාමාර්ග සම්බන්ධයෙන් රජයේ වෛද්‍ය නිලධාරීන්ගේ සංගමය හා ශ්‍රී ලංකා වෛද්‍ය සංගමය අවස්ථා කිහිපයකදීම ජනධිපතිවරයාට මෙන්ම සෞඛ්‍ය අමාත්‍යාංශයට කරුණු දක්වා තිබුණා.
මේ හේතුවෙන් පසුගිය දින කිහිපයේදී සුදත් සමරවීර මහතා කිසිදු ප්‍රවෘත්ති සාකච්ඡාවකටද සහභාගී වූයේ නැහැ.
මේ අතර ඊයේ (18) රැස්වූ කොවිඩ් මර්දන විශේෂ කමිටුවේදී රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය අනුරුද්ධ පාදෙණිය මහතා සෞඛ්‍ය අමාත්‍යාංශයේ තොරතුරු අධ්‍යක්ෂවරයාව විවේචනය කළා.
ඔහු පැවසුවේ අදාළ අධ්‍යක්ෂවරයා කොවිඩ් සම්බන්ද දත්ත නොමැති බවට සෞඛ්‍ය අමාත්‍යාංශයේ වෙබ් අඩවියේ පලකරන බවයි.
එමෙන්ම සෞඛ්‍ය අමාත්‍යාංශය තුළ කුමන්ත්‍රණයක් ක්‍රියාත්මක බවද පාදෙණිය මහතා ජනාධිපතිවරයා ඉදිරියේ සඳහන් කළා.
