තරෙක් ඊ තලේබාන් හෙවත් පකිස්තාන තලේබාන් සංවිධානය එරට තුළ එල්ල කරන ප්රහාර වැඩි කිරීම හේතුවෙන් බරපතල අර්බුදයක් නිර්මාණය වී ඇතැයි වාර්තා වේ.
පසුගියදා පකිස්තානයේ ක්වෙට්ටාහි ආරක්ෂක මුරපොලක් එල්ල කරගෙන ප්රහාරයක් එල්ල වූ අතර ඉන් හමුදා සාමාජිකයන් තිදෙනෙකු මියගිය අතර සිවිල් වැසියන් තිදෙනෙකු ඇතුළු තවත් විස්සකට අධික පිරිසක් තුවාළ ලැබූහ.
මෙම ප්රහාරයේ වගකීම පකිස්තාන තලේබාන්වරුන් විසින් භාරගෙන ඇති අතර ප්රහාරය අගමැති ඉම්රාන් ඛාන්ගේ දැඩි දෝෂදර්ශනයට ලක්ව ඇත.
මේ අතර ඇෆ්ගනිස්තාන තලේබාන් සංවිධානයේ ප්රකාශක සබිහුල්ලා මුජාහිඩ් පවසා ඇත්තේ මෙය පකිස්තානයේ ගැටලුවක් බවයි.
මෙය පකිස්තානය එහි ආගමික නායකයන් එක්ව විසදාගත යුතු බවත් ඇෆ්ගනිස්තාන තලේබාන්වරුන්ට පකිස්තාන තලේබාන්වරුන් ක්රියා සම්බන්ධයෙන් කළ හැකි දෙයක් නොමැති බවත් ඔහු පවසා තිබේ.
තලේබාන් සංවිධානය පකිස්තානයේ ආගමික පාසල් ආශ්රිතව බිහිවූවක් වන අතර මේ වනවිට එය පකිස්තානය තුළ මෙන්ම ඇෆ්ගනිස්තානය තුළ ද ක්රියාත්මක වේ.
ඇෆ්ගනිස්තානයේ ක්රියාත්මක සංවිධානයට පකිස්තාන හමුදාවේ සහය හිමිවුවත් පකිස්තානයේ ක්රියාත්මක පාර්ශ්වය එරට රජයට එරෙහිව ක්රියාත්මක වීම බරපතල නොගැලපීම් නිර්මාණය කර තිබේ.