ඕස්ට්රේලියාවේ රැකියාවක් ලබාදෙන බවට පොරොන්දු වී රුපියල් 1,260,000 මුදලක් ලබාගෙන විශ්වාසය කඩ කර වංචා කිරීමේ සිද්ධියක් සම්බන්ධයෙන් සැකපිට කොස්ලන්ද ප්රදේශයේ සිවුරුදැරූ අයෙක් ඇතුළු තවත් කාන්තාවන් දෙදෙනෙක් සැකපිට අත්අඩංගුවට ගත් බව කොස්ලන්ද පොලිසිය පවසනවා.
කොස්ලන්ද පොලීසිය පැවසුවේ, කොස්ලන්ද ඌවමාවෙලගම පදිංචි පුද්ගලයෙකුගෙන් ඔස්ට්රේලියාවේ රැකියාවක් සඳහා යොමු කරන බවට පොරොන්දු වී මෙම සිවුරුදුරූ අය ඇතුළු කාන්තාවන් දෙදෙනා වංචනිකව මුදල් ලබාගෙන තිබෙන බවයි.
මෙසේ ලබාගත් මුදල් ආපසු ඉල්ලා සිටින විට මඟහරිමින් සිටි බැවින් මේ පිළිබඳව පොලිසියට කළ පැමිණිල්ලක් අනුව සැකකරුවන් අත්අඩංගුවට ගෙන තිබෙනවා.
අත්අඩංගුවට ගත් එක් කාන්තාවක් රාජගිරිය ප්රදේශයේ වන අතර, අනිත් කාන්තාව රඹුක්කන ප්රදේශයේ පදිංචි අය බවද පොලිසිය පවසනවා.