ඇමරිකානු හමුදා ජනරාල්වරුන් රැසක් ඇතුලු ආරක්ෂක විශේෂඥයන් රැසක් පකිස්තානයට අනතුරැ ඇගවීමක් සිදුකර තිබේ.
ඒ නුදුරේදී ඔවුන්ට මූහුණදීමට සිදුවිය හැකි දැවැන්ත සරණාගතයන් පිලිබද අර්බුදයක් සම්බන්ධයෙනි.
ඇෆ්ගනිස්තානයේ සිටින ඇමරිකානු හමුදා සැප්තැම්බර් මස 15 වනදා වන විට සම්පූර්ණයෙන්ම ඉවත් කර ගැනීමට නියමිතය.
ඉන් අනතුරුව තලේබාන් සංවිධානය ඇෆ්ගනිස්තාන ආණ්ඩුවේ කොටස්කරුවකු වුවත් රට තුළ සිවිල් යුද්දයක් ඇතිවීමේ ඉහළ ප්රවණතාවයක් ඇති බව ආරක්ෂක විශේෂඥයන් මතය වී තිබේ.
මෙහිදී ඇෆ්ගනිස්තාන සරණාගතයන් පකිස්තානයට පළා ඒමට ඉඩ ඇති බවත් ඒ හරහා පකිස්තානය තුළ,දැවැන්ත අර්බුදයක් හටගත හැකි බවත් එම විශේෂඥයන් වැඩිදුරටත් පෙන්වා දී ඇත.
මේ වනවිටත් ඇෆ්ගනිස්තාන සරණාගතයන් ලක්ෂ 15 ක පමණ පිරිසක් පකිස්තානය තුළ ජීවත් වේ.