බස්නාහිර පළාතේ සිට දකුණු පළාතට ඇතුළුවීම සඳහා අධිවේග මාර්ගයේ වැලිපැන්න පිවිසුම අසල සිට දොඩම්ගොඩ දක්වා ඊයේ (16) කිලෝමීටර් ගණනාවක් දිගු වාහන පෝළිම් දක්නට ලැබුණා.
ඊයේ දිනයෙන් ආරම්භ වන සතිඅන්ත දීර්ඝ නිවාඩුව හේතුවෙන් බස්නාහිර පළාතේ සිට බොහෝ පිරිසක් දකුණු පළාතට ගමන් කිරීමට උත්සහ කිරීම හේතුවෙන් මෙම වාහන තදබදය ඇතිවී තිබෙනවා.
කෙසේ වෙතත් කොවිඩ් වසංගත තත්ත්වය පාලනය කිරීම සඳහා තවදුරටත් පළාත් අතර සංචරණ සීමා ක්‍රියාත්මකවන පරිසරයක මේ ආකාරයෙන් ඇතැම් පුද්ගලයින් හැසිරීම සෞඛ්‍ය කාර්ය මණ්ඩලවල දැඩි විවේචනයට ලක්වුණා.
කෙසේ වෙතත් මේ ආකාරයෙන් බස්නාහිර පළාතෙන් පිටවීමට දක්ෂිණ අධිවේගී මාර්ගය ඔස්සේ පැමිණි පිරිස් වැලිපැන්න පිවිසුමේදී පරික්ෂා කිරීමෙන් අනතුරුව නිසි අවසරපත්‍රයක් නොමැති වාහන 120 ක් යළි හරවා යැවීමට කටයුතු කළ බව වැලිපැන්න අධිවේග රථවාහන පොලීසිය පවසනවා.
