කොළඹ විශාඛා විදුහලේ විදුහල්පතිනී සඳමාලි අවිරුප්පොළ විසින් ප්‍රතික්ෂේප කරන ලද උසස් පෙළ ගුරුවරයාට වෙනත් පාසලක් ලබා දීමට තීරණය කර ඇතැයි අධ්‍යාපන අමාත්‍යාංශ ලේකම් මහාචාර්ය කපිල පෙරේරා අරුණ පුවත්පතට පවසා ඇත.
අධ්‍යාපන අමාත්‍යාංශයේ තීරණයක් ක්‍රියාත්මක නොකිරීම පිළිබඳව විශාඛා විදුහල්පතිනිය සම්බන්ධයෙන් පරීක්ෂණයක් පවත්වන බවත් පෙරේරා මහතා පවසා ඇත.
විශාඛා විදුහලේ සිංහල භාෂාව හා සාහිත්‍ය ගුරුවරුන්ගේ අතිරික්තයක් පවතින බව විදුහල්පතිනිය දැනුම් දී ඇති බවත් ඒ මහතා පවසා ඇත.
මිලාගිරිය සාන්ත පාවුළු බාලිකාවේ දස වසරකට අධික කාලයක් සේවය කර ඇති මෙම ගුරුවරයා කොළඹ විශාඛා විදුහලට ස්ථාන මාරු කිරීමට ගුරුමාරු මණ්ඩලය ගත් තීරණය අනුමත කළ නොහැකි බවත් අදාල සිද්ධීය පිළීබඳව අතිරේක ලේකම්වරියක පාසලට යවා එහි තත්ත්වය පිළිබඳ වාර්තාවක් ලබා ගත් බවත් ඒ මහතා පවසා ඇත.
උසස් පෙළ සිංහල භාෂාව හා සාහිත්‍ය ගුරුවරුන් අතිරික්ත බව විදුහල්පතිනිය අමාත්‍යාංශයට දැනුම් දී ඇතත් මිලාගිරිය සාන්ත පාවුළු බාලිකාවේ සිට ස්ථාන මාරු ලද ගුරුවරයා පාසලට ගැනීම ප්‍රතික්ෂේප කර තිබුණේ සිසුවියන්ට උසස් පෙළ සිංහල භාෂාව ඉගැන්වීම සඳහා පිරිමි ගුරුවරයකු සුදුසු නොවන බව සඳහන් කරමිනි.
සබැදි පුවත්
