ජාතික නිදහස් පෙරමුණ විදේශ රටවල් සමඟ ඇති කරගන්නා ගිවිසුම් කිසිවකට විරුද්ධ නොවන බව එම පක්ෂයේ මාධ්ය ප්රකාශක පාර්ලිමේන්තු මන්ත්රී මොහොමඩ් මුසම්මිල් මහතා පවසනවා.
අන්තර්ජාල නාලිකාවක් සමඟ සංවාදයකට එක් වෙමින් ඔහු සඳහන් කරන්නේ ශ්රී ලංකා රජයන් අදාළ ගිවිසුම් වලට එළඹීම සඳහා යොදාගන්නා ක්රමවේදය තුළ බරපතල ගැටළු රැසක් පැවතීම හේතුවෙන් තම පක්ෂය ඇතැම් ගිවිසුම් වලට එරෙහිව කටයුතු කරන බවයි.
අදාළ ගිවිසුම් සම්බන්ධයෙන් බේරුම්කරණය සහ සමාලෝචනය කිරීමේදී ශ්රී ලංකා රජය පාර්ශවයෙන් නිසි වැඩපිළිවෙලක් නොමැති බවත් මේ හේතුවෙන් බොහෝ අවස්ථාවන්වලදී ශ්රී ලංකාවට අවාසි දායක තත්වයන් මතුවන බවත් ඔහු සඳහන් කරනවා.
පක්ෂයක් ලෙස නොබැඳි විදේශ ප්රතිපත්තියකට අනුව ක්රියාකිරීමට තම අරමුණ බවත් ඔහු සඳහන් කර ඇති අතර කිසිදු රටකට හෝ සමාගමකට තම පක්ෂය විරුද්ධ නොවන බවද මුසම්මිල් මහතා පෙන්වා දෙනවා.
මෙම සාකච්ඡාවේදී මීට වසර කිහිපයකට පෙර ජාතික නිදහස් පෙරමුණේ නායක විමල් වීරවංශ මහතා විසින් සිදුකළ google සමාගම ඇතුළු අමෙරිකානු සන්නාම වර්ජනය කළ යුතු බවට වූ ප්රකාශය පිළිබඳව ද ප්රශ්න කර තිබෙනවා.
එහිදී සංවාදය උණුසුම් වූ ආකාරයද දැකිය හැකි වුණා.
ඊට අදාළ දර්ශන පහතින්,