පාර්ලිමේන්තුවේ මහජන නියෝජිතයින් ආණ්ඩුක්‍රම ව්‍යවස්ථාව තුළ සිරවී තම දේශපාලන ස්ථාවරයන් රැකගෙන ජනතාව අවදානමේ හෙළාගෙන සිටියි නම් එවන් ව්‍යවස්ථාවකින් ඵලක් නොමැති හෙයින් එය හන්දියක් හන්දියක් ගානේ ගිනිතැබීමට තමන් සූදානම් බව පාගොඩ ජන්තවංශ හිමියන් පවසනවා.
ඒ, අන්තර්වාර පාලනයක් වෙනුවෙන් දේශපාලන පක්ෂ දැනුවත් කිරීම සඳහා මහා සංඝරත්නය විසින් ඊයේ (30) කොළඹ පදනම් ආයතනයේ පැවැත්වූ රැස්වීම අමතමින්.
“අනිවාර්යයෙන්ම කියන්න තියෙන්නෙ, මේ රටේ ප්‍රධාන ජනතා පරමාධිපත්‍යය. ජනතා පරමාධිපත්‍යයට එහායින් ගිය ව්‍යවස්ථාදායකයකුත් නෑ, විධායකයකුත් නෑ, අධිකරණයකුත් නෑ. අපි ජාතික ගීය කියනකොට සීරුවෙන් ඉන්නවා, එහා පැත්තෙ එකා කලන්තෙ දාලා වැටුණොත් අපි සීරුවෙන් ඉන්නෙ නෑ. ඒ වගේ රට ඔක්කොම කඩාවැටිලා තියෙන වෙලාවක, බෙහෙත් ටික නැතුව මිනිස්සු මැරෙන්න යන වෙලාවක, කන්න නැතුව මිනිස්සු මැරෙන්න යන වෙලාවක, අද මේ රටේ ආණ්ඩුක්‍රම ව්‍යවස්ථාව තුළට හිරවෙලා, තමන්ගෙ දේශපාලන ස්ථාවරයෙන් රැකගෙන ජනතාව මැරියං කියලා රටේ පාර්ලිමේන්තුවේ ඉන්න මහජන නියෝජිතයින් ඉන්නවා නම් ඒ මහජන නියෝජිතයොත් අපට වැඩක් නෑ, ඒ ව්‍යවස්ථාවත් අපට වැඩක් නෑ. අපි හන්දියක් හන්දියක් ගාණෙ මේ ව්‍යවස්ථාව ගිනිතියනවා”
43 සේනාංකයේ නායක පාඨලී චම්පික රණවක මහතා ද ඒ අවස්ථාවේදී එහිමි සමීපයෙහි සිටිනු දක්නට ලැබිණි.
