අසත්‍යය පවසා දේශපාලන වශයෙන් ‘හාල්පාරුවෙක්’ වීමට තමන්ට නොහැකි බව වෙළඳ අමාත්‍ය ආචාර්ය බන්දුල ගුණවර්ධන මහතා පවසනවා.
ඒ, ඊයේ (11) දින වෙළඳ අමාත්‍යාංශයේ පැවති මාධ්‍ය හමුවක් අමතමින්.
එමෙන්ම, වෙළඳපොලේ පවතින කිරිපිටි හිඟය සම්බන්ධයෙන් ආණ්ඩුවට කිසිදු විසඳුමක් නොමැති බවයි ඔහු පවසන්නේ.
මෙහිදී වැඩිදුරටත් අදහස් දැක්වූ අමාත්‍යවරයා
“උත්සව සමයේ සිට මේ වසර අවසන් වන තෙක් පොදු ජනතාව භාවිත කරන හාල් වර්ග රුපියල් 100ට අඩුවෙන් සතොස හරහා දෙන්න අපි බලාපොරොත්තු වෙනවා. නාඩු කිලෝවක් 99.50කට කීරි සම්බා වෙනුවට වුණත් ආදේශකයක් ලෙස භාවත කරන්න පුළුවන් සම්බා සහල් කිලෝවක් රුපියල් 130කට දෙනවා.
ඕනෑම සහල් වර්ගයක් සතොසින් කිලෝ පහ බැගින් මිලදී ගන්න පුවවන්. තවත් භාණ්ඩ වර්ග 50ක් වෙළඳපොළේ පවතින මිලට වඩා අඩු මිලට සතොසින් මිලදී ගන්න පුළුවන්. සීනි කිලෝවක් රුපියල් 125කට ලබාදෙනවා. පරිප්පු කිලෝවක් 240යි. නූඩ්ලස් පැකට් එකක් 125යි.
පල්බොරුකාරයෙක් වෙලා දේශපාලන හාල්පාරුවෙක් වෙන්න මට බෑ. බඩු මිල විසඳන්න මට පුළුවන් නම් මං ටක්ගාලා විසඳනවා නේ. උත්සව සමය නිසා හෙට සිට සතොස හරහා නාඩු සහල් කිලෝවක් රුපියල් 99.50කටත් කීරි සම්බා වෙනුවටත් පාවිච්චි කරන්න පුළුවන් සම්බා කිලෝවක් රුපියල් 130කටත් දෙනවා. කිලෝ 5 බැගින් ගන්න පුළුවන්. දෙසැම්බර් 31 වෙනකම් තවත් භාණ්ඩ වර්ග 50ක් වෙළෙඳපොළ මිලට වඩා අඩු මිලට සතොස දෙනවා. සීනි, පරිප්පු ආදිය.
ඒ සඳහා නම් අපට විසඳුමක් නෑ. මොකද ආනයනය සඳහා පවතින ඩොලර් හිඟතාවය තුළ කිරිපිටි වලට වඩා ප්‍රමුඛතාවය දීලා තියෙන්නෙ අනෙක් අත්‍යවශ්‍ය පරිභෝජන භාණ්ඩවලට. ඔය අසාමාන්‍ය ලෙස ලාභ ලබපු විදේශීය සමාගම්වලට පුළුවන් මේ දුෂ්කර අවස්ථාවේදී කෙටි කාලයකට ඔවුන්ගෙ සැපයුම්කරුවන්ට ණය පහසුකමක් දීලා, මේ ටික සපයන්න”
