නිරූපමා රාජපක්ෂ සිය සහෝදරියක වුවත් ඥාතිකම සහ දේශපාලන යනු දෙකක් බව තරුණ හා ක්‍රීඩා අමාත්‍ය, සංවර්ධන සම්බන්ධීකරණ හා අධීක්ෂණ අමාත්‍ය සහ ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පවසනවා.
පසුගියදා මාධ්‍ය නැගූ ප්‍රශ්නයකට පිළිතුරු ලබා දෙමින් ඒ මහතා ප්‍රකාශ කර සිටියේ ඇය තමන්ගේ සහෝදරියක් වුවත් දේශපාලන වශයෙන් ඇය පසුගිය රජයේ සිටියේ මෛත්‍රීපාල සිරිසේන මහතා සමග බවයි.
එමෙන්ම, එම චෝදනා එල්ල වී තිබෙන්නේ 1990 සහ 1998 කාලය තුළ රණසිංහ ප්‍රේමදාස මහතාගේ සහ චන්ද්‍රිකා බණ්ඩාරණායක මහත්මියගේ පාලන කාලය තුල සිදු වූ ගණුදෙනු සම්බන්ධයෙන් වන නමුත් රාජපක්ෂවරුන්ට ඇඟිල්ල දිගු කිරීමට නම් 2005න් පසු සිදු වූ ගණුදෙනු ගැන සඳහන් විය යුතු බවයි අමාත්‍යවරයා පෙන්වා දෙන්නේ.
” ඒ පිළිබඳව මම හිතන්නේ ඒ අයත් උත්තර දෙන්න ඕනෙ. ඔබතුමා ඒ අයගෙනුත් ඇහුවොත් හොඳයි” යැයි අමාත්‍යවරයා ප්‍රශ්නය නැගූ මාධ්‍යවේදියාට පවසා සිටියා.
තවද හිටපු ඇමති නිරූපමා රාජපක්ෂ මහත්මිය ගේ විවාහය සිදුව ඇත්තේ තිරුකුමාර් නඩේෂන් සමඟ නිසා විවාහයෙන් ලැබෙන දේවල් වලට කරන්නට දෙයක් නොමැති බවත් ඔහු පවසා සිටියා.
