දිවයිනට පැමිණ සිටින ප්රංශ නාවික හමුදා සමාජිකයින් අද (8) යාල ජාතික වනෝද්යානයේ සංචාරයක නිරත වන බව සංචාරක සංවර්ධන මණ්ඩලයේ අධ්යක්ෂ ජනරාල් ධම්මිකා විජේසිංහ මහත්මිය සඳහන් කරනවා.
එම අවසරය ලබාදී ඇත්තේ ප්රංශ තනාපති කාර්යාලය මෙරට විදේශ අමාත්යාංශයෙන් කරන ලද ඉල්ලිමකට අනුවයි.
වනජිවී දෙපාර්තමේන්තුවද පවසන්නේ ප්රංශ නාවික හමුදා සමාජිකයින් පිරිසට සංචාරය කිරීම සඳහා අද යාල ජාතික වන උද්යානය විවෘත කරන බවයි.
ඒ අනුව අදාළ නාවිකයන්ගෙන් 101 දෙනකු යාල වනෝද්යානයේ ද 86 දෙනෙකු උඩවලව ජාතික වනෝද්යානයේද, 235 දෙනෙකු හබරණ ප්රදේශයේ ද, සංචාරය කීරිමට නියමිතයි.
මෙම පිරිස සඳහා සංචාරක මගපෙන්වන්නන් හා සෆාරි ජීප් රථ ද යොදවා තිබෙනවා.
අදාළ ප්රංශ නාවික හමුදා සාමාජිකයින් 750 ක් රැගත් නෞකා දෙකක් ඊයේ (07) කොළඹ වරායට පැමිණියා.
එම පිරිස ලබන 11 වැනිදා දක්වා මෙරට රැඳී සිටිමට නියමිතයි.
මේ අතර සංචාරක බුබුල ක්රමවේදය යටතේ, ශ්රී ලංකාවට පැමිණෙන විදෙස් සංචාරකයින් ලැගුම් ගන්නා හෝටල්වල පමණක් සුරාබදු බලපත්ර ක්රියාත්මක කිරීමට අවසර ලබ දී තිබෙනවා.
සුරාබදු කොමසාරිස් ජනරාල් කපිල කුමාරසිංහ මහතා පැවසුවේ, ආරක්ෂිත හා සුරක්ෂිත පළමු පෙළ හෝටල්වල කොන්දේසිවලට යටත්ව එම අවසරය ලබා දී ඇති බවයි.