අමෙරිකාවේ ටෙක්සාස් ප්රාන්තයේ සිදුකළ වෙඩි තැබීමකින් පුද්ගලයින් 05 දෙනෙක් මියගොස් තිබෙනවා.
බීමතින් සිටි පුද්ගලයෙකු සිය මිදුලේ වෙඩි තැබීමට පුහුණුවෙමින් සිටි අසල්වැසි නිවසේ අයෙකු ඔහුට පවසා ඇත්තේ තම කුඩා දරුවාට නිදා ගැනීමට අවශ්ය බැවින් ඊට බාධා නොකරන ලෙසයි.
එම ප්රකාශයට කෝප වූ එම පුද්ගලයා අසල්වැසියාගේ නිවසට ගොස් වෙඩි තැබීම සිදුකර ඇති බවයි එරට මාධ්ය වාර්තා කරන්නේ.
මෙලෙස වෙඩි තැබීමෙන් 08 හැවිරිදි දරුවෙකු ඇතුළු 05 දෙනෙක් මියගොස් තිබෙනවා.
වෙඩි තැබීම සිදුකළ සැකකරු මේ වන විට පලාගොස් ඇති අතර ඔහුව අත්අඩංගුවට ගැනීමට එරට ආරක්ෂක අංශ මෙහෙයුම් ක්රියාත්මක කර තිබෙනවා.