ලබන වසරේ පැවැත්වීමට නියමිත මහ මැතිවරණයේදී අග්‍රාමාත්‍ය නරේන්ද්‍ර මෝදිගේ පක්ෂයට එරෙහිව සිය ක්‍රමෝපාය තහවුරු කිරීම සඳහා ඉන්දීය විපක්ෂයේ පක්ෂ 26ක නායකයින් රැස්ව සිටින බව විදෙස් මාධ්‍ය පවසනවා.
මෙම කණ්ඩායම අද (18) සන්ධානය සඳහා නායකයෙකු තෝරා ගැනීමට ද ඉඩ ඇති බවට වාර්තා වෙනවා.
කොංග්‍රස් පක්ෂයේ සෝනියා ගාන්ධි, දිල්ලි මහ ඇමැති Arvind Kejriwal ඇතුළු විපක්ෂයේ ඉහළ පෙළේ නායකයෝ ඊට සහභාගි වන බවට විදෙස් මාධ්‍ය වාර්තා කරනවා.
ඔවුන් පෙන්වා දෙන්නේ විපක්ෂයේ දෙවන මහා රැස්වීම මෙය වන බවයි
මෙහිදී දකුණු කර්ණාටක ප්‍රාන්තයේ බැංගලෝර් නගරයේ පැවැත්වෙන දෙදින රැස්වීමේදී ආසන බෙදාගැනීම, එක් එක් පක්ෂයට ආසන කීයක් තරඟ කරනවාද සහ මැතිවරණය සඳහා පොදු වැඩපිළිවෙලක් වැනි ගැටළු සාකච්ඡා කිරීමට අපේක්ෂා කෙරෙන බව සඳහන්.
