හංවැල්ල තුන්මෝදර කොඩි කන්ද ආරණ්ය සේනාසනයේ වැඩ විසූ උඩුවිළ ධම්මසිරි හිමියන් පැහැරගෙන ගොස් ඝාතනය කර පුළුස්සා දැමීමේ සිද්ධිය සම්බන්ධයෙන් සැකපිට සිව් දෙනෙකු අත්අඩංගුවට ගෙන ඇත.
එම පිරිස අතර ආරණ්ය සේනාසනයේ වැඩවසන සාමනේර හිමිනමගේ මාපියන් ද සිටින බව වාර්තා වේ.
සිද්ධිය සම්බන්ධයෙන් තවත් කිහිප දෙනෙකු අත්අඩංගුවට ගැනීමට නියමිත අතර පොලිස් නිලධාරිනියකගේ සැමියකු පිළිබඳවද විමර්ශන ආරම්භ කර ඇති අතර සැකකරුවන් පැමිණි වෑන් රථය ද හඳුනාගෙන ඇත.
පසුගිය ජනවාරි 2 දින කන්ද ආරණ්ය සේනාසනයට පැමිණි සැකකරුවන් එහි සිටි අදාල හිමිනම දණගස්වා, තර්ජනය කොට පැහැරගෙන ගොස් තිබුණි .
සිද්ධියෙන් අනතුරුව සිදු කළ විමර්ශනයකදී පැහැර ගත් ස්වාමීන් වහන්සේ බවට සැක කෙරෙන පුද්ගල මළ සිරුරක් කොටදෙනියාව නාවාන පොදු සුසාන භූමියේ තිබී (04) දා සොයාගත් බව කියයි .
එම මළ සිරුර පුළුස්සා දමා ඇති අතර එය වලදැමීම සදහා සුසාන භූමියේම කුඩා වලක් ද කපා ඇත.
වැඩිදුර කියවන්න