මේ වන විට බස්නාහිර පළාතෙන් පිට පළාත් සඳහා කොවිඩ් වැක්සීනය ලබාදීමට සෞඛ්‍ය අමාත්‍යාංශය කටයුතු කිරීමත් සමඟ ගාල්ල දිස්ත්‍රික්කයේ ද කොවිඩ් වැක්සීනය එන්නත්කරණ වැඩසටහන ආරම්භවී තිබෙනවා.
කෙසේ වෙතත් ආන්දෝලනයට තුඩුදී තිබෙනව ටෝකන් ක්‍රමය ගාල්ල දිස්ත්‍රික්කයේද ක්‍රියාත්මක කෙරෙන බවයි වාර්තා වන්නේ.
ඒ අනුව ශ්‍රී ලංකා පොදුජන පෙරමුණේ ගාල්ල දිස්ත්‍රික් පාර්ලිමේන්තු මන්ත්‍රී සම්පත් අතුකෝරාල මහතා සඳහන් කරන්නේ ටෝකන් පත් හා ඔන්ලයින් ලියාපදිංචිය සමග ඉතා විදිමත් හා සාධාරණ අයුරින් ගාල්ල දිස්ත්‍රික්කයේ එන්නත්කරණය සිදුකෙරෙමින් පවතින බවයි.
ඒ අනුව එන්නත්කරණයේ දෙවන දිනය වූ ඊයේ (28) දිනයේ අදාළ ටෝකන් පත් හා ඔන්ලයින් ලියාපදිංචියට අනුව ගාල්ල දිස්ත්‍රික්කයේ ග්‍රාම නිලදාරී වසම් 5 ක 8000 කර ආසන්න පිරිසක් එන්නත්කර අවසන් කළ බවයි ඔහු සඳහන් කරන්නේ.
