ගිණිගත් නෞකාව වෙනත් රටවල් වලින් ප්‍රතික්ෂේප කළ බවට නැගෙන චෝදනා ප්‍රතික්ෂේප කරන බව වරාය අමාත්‍ය රෝහිත අබේගුණවර්ධන මහතා පවසනවා.
ඒ අද (04) පැවති මාධ්‍ය හමුවක් අමතමින්.
ශ්‍රී ලංකාවට ඇතුළු වීමට පෙර මෙම නෞකාව වෙනත් රටවල් කිහිපයකම භාණ්ඩ ගොඩබෑම සිදු කළ බවයි අමාත්‍යවරයා පවසන්නේ.
එමෙන්ම තිස් අවුරුදු යුද්ධය අවසන් කළ රජයක් වශයෙන් තම රජය වගකීම් පැහැර නොහරින බවත් ඇතමුන්ගේ චෝදනා ඉතාමත් පදනම් විරහිත බවත් ඒ මහතා පවසනවා.
රටේ පරිසර දූෂණයක් වනවා නම් තමා ඊට විරුද්ධ බවත් තමන් රටට ආදරේ කරන බවත් ඔහු වැඩි දුරටත් අවධාරණය කර සිටිනවා,
